قضى معانا العيد وأحكيلنا أحلى لحظاتك

موضوعى باين من أسمه طبعا وبما أن المنتدى دة أسمه فضفضة والفضفضة أكيد مقصود بيها كل الاحاسيس الى الانسان بيعيشها وبيبقى نفسه يتكلم عنها سواء كانت أحاسيس فرح أو حزن أو جرح أو حب ومن ضمن الاحاسيس دى أحساس جميل عيشناه فى لحظة حلوة قضيناها فى أيام كلها فرح فى أيام العيد أكيد كل واحد مننا قضى لحظة حلوة فى العيد هنبدأ مع بعض من يوم الوقفة لحد مالعيد يخلص أن شاء الله وكل واحد فيكو يا شباب قضى لحظة حلوة أبتداء من الوقفة وأستمرار حتى نهاية العيد أن شاء الله يخش يحكيهالنا ويقولنا عليها بالتفصيل وطبعا اللحظات دى ممكن تبقى مع الاسرة فى البيت مع الاصدقاء فى أى مكان أو حتى مع نفسك خلينا نشاركك أفراحك ونتكلم سوا فيها يلا يا شباب فى أنتظار ردودكم وأنا أولكم هبدأ بس فى المشاركة الى بعد دى تنسيقا للموضوع يعنى قضى معانا العيد وأحكيلنا أحلى لحظاتك 82431

قضى معانا العيد وأحكيلنا أحلى لحظاتك 82431

قضى معانا العيد وأحكيلنا أحلى لحظاتك 417989

بدايتا كل سنه وأنتو طيبين يا حلوين يا أصحابى يا طعمين أنا أحلى لحظات حياتى فى العيد سواء العيد الصغير أو العيد الكبير بحس فيهم بروح جميلة أوى روح المودة والحب مش شرط بينى وبين أسرتى أو بينى وبين قرايبى بحس بمودة بينى وبين أصحابى والناس القريبين منى أوى والحمد لله أنهم مش كتير ومتقسمين شلة الجامعة وشلة الطفولة وأصدقاء الطفولة وولاد الجيران كدة يعنى أتجمعنا كلنا زى كل وقفة بس قلنا نغير من خط سيرنا كنا بنحب أننا ننزل نتفسح فى أى حتة راس البر أو بورسعيد أو عروس الدلتا المنصورة طبعا بس حسينا المرة دى أننا كسلانين قلتلهم بس عندى الحل جبنا الكمبيوتر بتاع واحد صاحبنا وجبنا الدراعات وقعدنا نلعب شوية جيمز عربيات على كورة ولما زهقنا قضيناها شوية كوتشينه مش قمار لا متخافوش عليا أحنا بنلعب لعبة أسمها أستميشان أكيد فيكم الى يعرفها والجوكر أحكام ولما زهقنا قلبناها دمونا طبعا أنتو بتستغربو كل دة أتعمل فين كل دة كان فى شقة واحد من الشلة دايما التجمع بيكون عنده فى يوم الوقفة والاحلى من كل دة أتفرجنا على أحلى فيلم رعب فى تاريخ السينما الامريكية بل والعالمية saw الجزء السادس ودة كان ختام السهرة ونزلت طبعا صليت الفجر بعد مخلصنا وجهزت نفسى لصلاة العيد ونزلت صليت وجيت للأسف نمت ومستغربوش للأسف دى ليه أصل دى أسرار بقة ولازم أخبيها وكفاية كدة لاحسن تكونو زهقتو منى يلا يا شباب أحكولنا عملتو أيه يوم الوقفة ولو كنتو معملتوش حاجة أحكولنا على أول يوم العيد وكل سنه وأنتو طيبيييييييييين

اولا كل سنه وانتم طيبين جميعا يا حبايبى

لو حكيت ليكم قضيت العيد ف ايه هتكرهونى هههههههههههه ....طبعا يوم وقفه العيد اول مره ف حياتى محسش بيها لانى كنت ملبوخه ف الترويق وكده
نيجى بقى ليوم العيد صحيت الساعه 6 ونص ...طبعا احلى حاجه ف العيد وقت الصبح ساعه الصلاه ده اجمل حاجه

بعدين استنينت بقى قرايبى وكده اخوالى واعمامى ....وبعدين قعدت نت شويه منا ملقتش حاجه اعملها بصراحه ده اول عيد يكون مزاجى فيه مش ف المووووود خالص وكنت مخنوقه جدا كلنا بصراحه كنا كده

المهم جيت بقى الساعه 2 كده خرجت روحت عند تيته واخوالى وكده
وبعدين روحت انا ومشمشه ووالبت غاده صحبتنا عند بنت خالى وجبنا شيبسى وكولا وعيشنا بقى هههههه قعدنا نضحك ونهزر بصراحه اللى يقعد مع البت مشمشه دى قعده يموت على نفسه م الضحك بت هبله تقول ده قدامنا اراجوز ههههههه مرحه ومفرفشه خالص وام التريقه فيها هههههههه بصراحه فرفشنا شويه حلوين والنهارده كمان هنروح نفرفش كمان عند ولاء بنت خالى

نفسى كده ف العيد اخرج واتفسح هنا وهنا بس للاسف مفيش تشجيع من اى حد يلا الحمد لله

طولت عليكم يا حبايبى معلشى بقى

كل سنة وانتم طيبين وبخير يااارب
انا بقا هحكلكم على الى حصل طبعا اول يوم بروح دايما عند تيتا
بنقضى اليوم كلة هناك بيبقى يوم حلو اوى بيبقى العيلة كلها متجمعة لحد اخر السهرة
وتانى يوم خرجت انا واصحابى كان يوم جميل روحنا نادى الحوار بس كان زحمة موووووووت
قمنا خارجين وروحنا نادى النيل بردو مرتاحناش فية خااالص طبعا عارفين لية ماعلينا
خرجنا منة واعدنا نفكر نروح فين الى يقول نروح كافية والى يقول نروح... المهم قضينا الوقت فى التفكير هنروح فين هههههههههه
بعد كدا قررنا قرار جااااااامد تعرفو اية؟؟؟؟ نروح فرح نتفرج ههههههههههه احنا مش نعرفة بس الفكرة دى جاتلنا وفعلا روحنا بس طبعا كنا قضينا الوقت فى التفكير فمش اعدنا كتير ياعنىوالاخر روحنا وكنا هنمووت من الضحك على الى عملناة دا هههههههه
معلشى طولت عليكم