موتـة صعيدى ... صعيدى يعنى !

بعد السلام عليكم وازيكوا وعاملين ايه وسلامات وطيبون

طبعا مع الاعتذار لأي حد صعيدي أجدع ناس والله الكلام ده هزااار، واللي يحبنا مايضربش نار

واحد من القاهرة ليه واحد صاحبه من الصعيد أبوه مات بتاع القاهرة كلم بتاع الصعيد فى التليفون

عشان يعزيه..ومن المكالمة فهم حاجة ماحدش يعرفها.. إزاى الصعيدي بيموت..وإليكم المكالمة بالنص.

القاهري: معلش أنا عارف إن والدك كان مريض بالقلب...الله يرحمه.

الصعيدي: بس هو كان بيقاوح وماماتش من القلب.

القاهري: أمال مات إزاى؟

الصعيدي: الله يرحمه بقى على أواخر أيامه نظره ضعف وف مرة طلع البلكونة وسورها كان واطي وإحنا في الدور الرابع زى مانت عارف.

القاهري: لا إله إلا الله....... فعلاً موتة صعبة..... معلش شد حيلك.

الصعيدي: والله إتعذبنا معاه كتير وعملنا له 12عملية لغاية ما إتحسن وبقى كويس.

القاهري: طب الحمد لله......هو مات إزاى؟

الصعيدي: بقى يمشى علي عكاز ومرة وهو بيعدى الشارع عربية خبطته.

القاهري: فعلاً موقف صعب......لكن ربنا عايز كده... العربية فرمته؟!

الصعيدي: ربك كان رحيم وكان فيه جار لينا شافه بالصدفة وخده علي أقرب مستشفى لكن النزيف الداخلي كان صعب.

القاهري:طبعاً....... دا الواحد لو خبطته عجلة كان يروح فيها.....علي كل حال الله يرحمه.

الصعيدي: لكن إحنا عملنا عملية نقل دم وسفرناه باريس وربنا ستر والحمد لله.

القاهري: يعنى فضل عايش بعد كل ده؟! أمال مات إزاى؟!

الصعيدي: للأسف جاله فشل كلوي ومالقيناش أي متبرع لغاية مجاله تسمم في الدم.

القاهري: معلش عموماً هو ارتاح من العذاب ده.

الصعيدي: بالصدفة ظهر له شخص كان صاحبه من زمان وأتبرع له بكليته علي آخر نفس.

القاهري: ياسلام!

الصعيدي: لكن بعد كده بقى بيسرح كتير .. مرة قاعد في الشقة وإتسرب الغاز وهو مش واخد باله فاتحرقت الشقة باللي فيها.

القاهري: ياساتر علي الموتة البشعة..... فعلاً شئ صعب.....ألف رحمة ونور عليه.

الصعيدي: لكن تقول بقى إٌيه علي جارنا الشهم الجدع اللي كسر الباب علي آخر لحظة.

القاهري: ياعم أبوس إيدك فهمني أبوك مات إزاى؟؟؟؟

الصعيدي: والله يأخي اضطرينا "نطخه" هو وجارنا الشهم عشان نخلص.

موضوع جميل جدا
بس بلاش الصعيدى يعنى اكتبى واحد بلدياتنا او اى حاجه لان كده حرام لما نخص الصعايده بالتريقه هما زينا زيهم مفيش فرق
اسف لو طولت عليكى

يخرب عقلك يا ندى أنا خلاص معتش قادر أمسك نفسى من الضحك وتلاقى الرصاصة مموتيتوش لانه كان لابس السديرى الواقى للرصاص فالخطوة الجاية هيقطعولو رقبتو بقة وخلاص وبعدين يا سورو بيرد أنت محروق كدة ليه أنت صعيدى ولا أيه موتـة صعيدى ... صعيدى يعنى ! 82431

ههههههههههههههههههه

لا جميل موضوع رائع .ايه يا معلم انت صعيدى ولا ايه.من ورايا.